АЗИЗ ЗОКИРОВ

(1978) 

Ўзбекистон композиторлари ва бастакорлари уюшмаси сафига 2012 йили ёш мусиқашунос олим сифатида Азизжон Райимжонович Зокиров қабул қилинди. У 1978 йилнинг 10 декабрида Фарғона вилоятида мусиқа ўқитувчиси, “Чинни Гул” болалар хор жамоаси хормейстери, халқ маорифи аълочиси Райимжон Зокиров оиласида таваллуд топган. Болалигидан мусиқага қизиқиб, мусиқа мактабида фортепиано мутахассислиги бўйича таҳсил олди. 1993-1997 йилларда Фарғона мусиқа билим юртининг мусиқа назарияси бўлимида ўқиди.

1997-2001 йилларда М.Ашрафий номидаги Тошкент давлат консерваториясининг мусиқашунослик факультети бакалавриат таълим йўналишида, 2004-2006 йилларда магистратура босқичида таҳсил олди. Талабалик даврида мусиқашунослик соҳасида турли илмий-амалий конференцияларда миллий руҳ билан суғорилган мақолалар билан чиқиб, кейинчалик китоб ва ўқув адабиётлар яратди. Бастакор “Мухторжон Муртазоев” ўқув қўлланмаси (Т., 2006 й.); ҳаммуаллифликда “Ўзбек мусиқа тарихи” (илк даврлардан XX асрга қадар) дарслиги (Т., 2018 й.); “Марғилон ижрочиларининг негизи «Катта ашула»” (Йилнома //Ўзбекистон мусиқа маданияти ривожи ва Тошкент.  Тўплам, 2009 й.), “Ҳазрат Алишер Навоий асарларида «Ғино»” (“Навоий ва мусиқа” тўлами, Т., 2011 й.), “Марғилон ҳофизлик анъаналар” (“Шарқ юлдузи” журнали, 2012 й. 3 сон.), Tradition of the Joint voice Unison Singing and Temporary Culture (As an example of MARGILAN Singing school), “Мумтоз хонандаликда жўровозлик анъанаси” (XI-Халқаро “Шарқ тароналари илмий-амалий конференция тўпалами), “Икки тилда сўзлашувчи бир ҳалқ” (“Жаҳон адабиёти”, 2018 й. 4 сон.), “Ҳофизликда устоз-шогирд анъаналари ва унинг асосий мезонлари”, “Фарғона-Тошкент мақом ижрочилигида замонавий талқинлар” (I-Халқаро “Мақом санъати форуми – конференция тўплами, 2018 й.) мусиқашунос қаламига мансуб. А.Зокиров бир қатор адабиётлар тузувчисиҳамдир.

А.Зокиров 2006 йилдан Ўзбекистон давлат консерваториясида “Концерт ижрочилиги ва реклама” бўлими бошлиғи, “Мусиқий шарқшунослик” кафедраси ўқитувчиси, 2008-2009 композиторлик, мусиқашунослик ва фортепиано факультети декани ўринбосари, 2009 йилдан “Мусиқий шарқшунослик” кафедраси катта ўқитувчиси, 2018 йилдан “Ўзбек мақоми тарихи ва назарияси” кафедраси мудири лавозимида ишлаб келмоқда.

                         ТОВУР ЖУМАЕВ

(1918-1983) 

Ўзбекистонда хизмат кўрсатган санъат арбоби, мусиқашунос Товур Жумаев турли мавзуларда ёзган илмий мақолалари, айниқса, мактаб болалари, талабалар, ҳарбийлар, ишчи ва деҳқонлар орасида мусиқа санъатини тарғиб этиш фаолияти билан танилди, эл-юрт ҳурматига сазовор бўлди.

Товур Жумаев кўҳна Бухоро вилоятининг Давлатобод қишлоғида 1918 йилнинг 6 ноябрида дунёга келди. 1921 йилдан мактабда ўқиди, мусиқага қизиқди. Товур жуда эрта отасидан айрилди. Онаси билан Бухоро шаҳрига кўчиб келишади. Товур 1929 йилдан бошлаб умумтаълим мактабда ўқишини давом эттиради. Мактабдаги ҳаваскорлик тўгарагида афғон рубобида чалишни ўрганишни бошлади. Бу қизиқиш уни 1931 йили Бухоро мусиқа техникумига чорлайди. Мазкур ўқув юртида таниқли созанда-устоз Н.Насриддиновдан рубоб чалиш сирларини ўзлаштирди. Мусиқа назариясини техникум директори А.М.Ихтиёровдан ўрганади. 1935 йили у Бухоро вилояти мусиқали драма театри чолғу ансамблида меҳнат фаолиятини бошлайди.

Маълумки, 1936 йилда Тошкентда Ўзбек давлат филармонияси ташкил этилади. Ўзбекистон халқ артисти, атоқли созанда ва бастакор Тўхтасин Жалилов раҳбарлигида 120 кишидан иборат ашула ва рақс ансамбли ташкил топади. Мазкур ансамблда ҳамма вилоятлардан моҳир созанда ва хонандалар таклиф этилади. Бухородан шу ансамблга келган 12 нафар ёш санъаткорлар орасида Т.Жумаев ҳам бор эди. 1937 йили Москвада ўтадиган Ўзбекистон адабиёти ва санъати декадасига катта тайёргарлик олиб борилади. 1937-1939 йилларда Т.Жумаев Тошкент давлат консерваториясининг тайёрлов бўлимида Б.Б.Надеждин синфида композициядан сабоқ олди.

Товур Жумаев 1939-1947 – йилларда Киевнинг ҳарбий қисмларида ҳарбий хизматни ўтади. 1940-1941-йилларда Киев консерваториясининг кечки бўлимида Л.Н.Ревуцкийдан ва Б.Н.Лятошинскийдан сабоқ олди. 1941-1945 йилларда урушда қатнашди, 1945-1947 йилларда Германияда намунали дамли чолғулар оркестри бошлиғининг ўринбосари лавозимида хизмат қилди.

1947 йилда Бухорога қайтиб вилоят мусиқали драма театри директорининг ўринбосари лавозимига тайинланади, театр чолғу ансамблида рубоб чалади. Икки йил ўтгач, у Ўзбек давлат филармониясига директор этиб тайинланади, тез орада ижодий жамоалар ишларини яхши йўлга қўяди. 1951-1956 йиллар мобайнида Т.Жумаев Тошкент давлат консерваториясининг мусиқашунослик факультетида ўқийди. Профессор Я.Б.Пеккер раҳбарлигида “А.Н.Серов и некоторые вопросы оперного искусства в его музыкально-критических статьях” мавзуида диплом иши ёзиб, консерваторияни муваффақиятли битирди. Т.Жумаев 1954-1957 йилларда Навоий номидаги Ўзбек давлат опера ва балет театри директори, 1957-1958 йилларда филармония бадиий раҳбари, 1958-1961 йилларда Ўзбек эстрада театри бадиий раҳбари, 1961-1963 йилларда эса директори, 1963-1968 йилларда Ўзбек давлат филармонияси ва ўзбек эстрада бирлашмасининг бадиий раҳбари, 1968-1970 йилларда “Санъат саройи” директори, 1970-1972 йилларда филармония ва эстрада бирлашмаси бадиий раҳбари, 1972-1978 йилларда Ўзбекистон Маданият вазирлиги қошидаги театр ва мусиқа муассасалари Бош бошқармаси бошлиғининг ўринбосари, 1978 йилдан умрининг охиригача Ҳамза номидаги Тошкент мусиқа билим юрти директори вазифаларида ишлади.

1959 йили Т.Жумаев Ўзбекистон Композиторлар уюшмаси аъзолари сафига қабул қилинган. 1965 ва 1971 йилларда мазкур уюшма тафтиш комиссиясининг раиси вазифасига сайланган.

Мусиқашунос Т.Жумаевнинг 200 дан ортиқ мақола ва тақризлари асосан замонавий ўзбек мусиқа санъатининг ривожланиши жараёнидаги муаммоларга, композиторлар асарларининг ютуқ ва камчиликларини очишга қаратилган. Шу жумладан: “Ўзбек операси муаммолари”, “Абдуқодир найчи”, “Ўзбекистон композиторларининг янги асарлари”, “Ўзбекистон композиторлари 3-қурултой концерт дастурларидан таассурот” , “Ўзбекистон хор санъатининг ривожланиши”, “А.Ф.Козловскийнинг янги мусиқа асарлари”, “Ёшлар орасида мусиқий тарғиботнинг баъзи масалалари”, “Симфоник мусиқа мавсумининг очилиши”, “Д.Зокиров ижоди”, “М.Ашрафий 60 ёшда”, “Устоз хотираси” (бастакор Шоназар Соҳибов тўғрисида), “Симфоник мусиқа янграмоқда”, “Композитор Т.Содиқов 60 ёшда”, “Қўшиқ, куй, рақс маскани” (Ўзбек филармониясининг 30 йиллигига) ва бошқалар. Тақризлар композиторлар Қ.Қўжамёровнинг биринчи уйғур операси “Нозумгул”га, “Зайнаб ва Омон” операсига, С.Бобоевнинг “Ҳамза” операсига, Р.Ҳамроевнинг «Тонг олдидан» операсига, И.Ҳамроевнинг «Ойжамол» операсига, И.Акбаровнинг «Эпик поэмаси»га, «Қозоғистон халқ чолғулари оркестри Тошкентда», Г.Мушельнинг «Самарқанд афсонаси» балетига ва бошқалар. Муаллиф қаламига мансуб С.Юдаковнинг «Майсаранинг иши» биринчи ўзбек комик операси илмий таҳлилига бағишланган катта мақоласи 1961 йил «Вопросы музыкальной культуры Узбекистана» тўпламида чоп этилган.

Т.Жумаев 1967 йилда «Ўзбекистонда хизмат кўрсатган санъат арбоби» фахрий унвони билан мукофотланган, қатор орден, медаль ва фахрий ёрлиқлар билан тақдирланган.

                            АЛЕКСАНДР ЖУМАЕВ

(1953)

Ўзбекистон композиторлари ва бастакорлари уюшмасининг мусиқашунос аъзолари сафига ўтган асрнинг 90-йиллари бошида Шарқ мусиқа манбашунослиги ва замонавий йўналишларга қизиқувчан мусиқашунос Александр Жумаев кириб келди. У ўзининг турли мавзулардаги мақолалари, манбашунослик соҳасида илмий ишлари билан республика ва халқаро мусиқа конференциялари ва симпозиумларда қизиқарли илмий мавзулари билан мусиқа жамоатчилиги орасида танилди.

Жумаев Александр Бобониёзович 1953 йил 20 ноябрда Тошкентда туғилди. Александр Республика махсус мусиқа мактаб-интернатида кларнет, аккардеон ва фортепиано чолғуларини ўзлаштириш билан бирга мусиқий назарий фанлар бўйича ўқиди. 1971-1976 йилларда Тошкент давлат консерваториясининг мусиқашунослик факультетида таълим олди. 1976 йилда Ҳамза номидаги санъатшунослик илмий-тадқиқот институти аспирантурасига йўлланма олди.

Институтда Ўрта Осиё олимларининг мусиқага доир рисолалари билан яқиндан танишди, ўрганди ва натижада 1981 йил «Вопросы музыкальной эстетики в трудах ученых Среднего Востока IХ-ХII веков» мавзуида номзодлик диссертациясини ёқлади ва мазкур институтда илмий ходим, 1984-1992 йилларда институтнинг мусиқа бўлими мудири лавозимларида ишлади. 1993-1997 йилларда фақат илмий иш билан шуғулланди. У Жаҳон фольклоршунослик (АҚШ, Нью-Йорк) ташкилотининг аъзоси ва унинг Ўзбекистондаги вакилидир. Муаллифнинг илмий мақола ва турли анжуманларда ўқиган маърузаларининг мавзу номлари «Авицена и музыка» (Ж.Звезда Востока, Т., 1980, №3с. 145-151), «Ибн Сина об общественных функциях музыки» (Ж. Общественные науки в Узбекистане, Т., 1980, № 8-9, с.83-89), «О психологическом основании музыкальной эстетики средневекового Востока» Краткие тезисы докладов IV искусствоведческой научно-теоретической конференции молодых ученых (21-24 апрель, 1981 г.) Т., 1981, «Об эстетическом отражении макомов в средневековье» В книге: Профессиональная музыка устной традиции народов Ближнего, Среднего Востока и современность (Сборник материалов Международного музыковедческого симпозиума Музыкального Совета ЮНЕСКО, Самарканд, 3-6 октября 1978 г.) Т., 1981, с 1999-2003, «Вопросы Музыкальной эстетики в трудах ученых Среднего Востока 9-12 веков», Автореферат диссертации соискание ученой степени кандидата искусствоведения. Т., 1981; «К вопросу об эмоциональном воздействии макамов (по средневековым письменным источникам). В кн. Тезисы докладов V искусствоведческой научно-теоретической конференции молодых ученых (19-22 апреля 1983 г.) Т., 1983, «Трактат о музыке Муҳаммада Нишапури» (Ж.Общественные науки в Узбекистане, Т., 1984, № 1, с. 44-50), «Музыкально-эстетические взгляды Абу Али Ибн Сино». Музыка народов Азии и Африки (Сборник статей). Выпуск 4. М., 1984, «Уникальный источник по истории среднеазиатско-индийских музыкальных связей («Замзаме-йи вахдат» Наини) 17 в. В кн. Из истории культурных связей народов Средней Азии и Индии. Т., 1986, «Отражение взаимосвязей профессиональной музыки устной традиции Среднего и Ближнего Востока в средневековых письменных источниках» В кн. Традиции музыкальных культур народов Ближнего, Среднего Востока и современность: (Сборник материалов Второго Международного музыковедческого симпозиума, Самарканд, 7-12 октября 1983 г.) М., 1987, «К проблеме эволюции эстетических учений о макамате» В кн. Вопросы эстетики, истории и теории монодии. Сборник научных трудов. Т., 1987, «По страницам древних манускриптов. О памятниках музыкальной культуры народов Востока» В кн. Вехи времён. Рассказы о памятниках истории и культуры Узбекистана. Альманах-89, Т., 1989, «Художественные традиции Борбада в средневековом музыкальном искусстве Маверанахра и Хорасана» В кн. Борбад, эпоха и традиции культуры Душанбе, 1989, «Древние корни эстетической системы макамата». В кн. Борбад и художественные традиции народов Средней Азии и современность. Тезисы докладов и сообщений. Душанбе, 1990, «Макомы в Узбекистане: динамика политико-идеологических оценок и научных подходов». В кн. Музыкальная фольклористика. М., 1990, «Искусство в мире Ислама, Единство принципов в многообразии проявлений» Ж. Творчество, М., 1991, № 9, «Правила и традиции военной музыки в Средней Азии в древности и средневековье» В кн. Международная конференция «Средняя Азия и мировая цивилизация» Тезисы докладов. Т., 1992, «Ислам и музыка» Ж. “Музыкальная академия”, М., 1992, №3, илл. «К изучению ритуалов «арвохи пир» и «камарбандон» в городских цехах музыкантов Средней Азии», Ж. Общественные науки в Узбекистане, Т., 1995, № 5, 6, 7, 8, «Музыкальная культура народов Средней Азии и Казахстана до 1917 года» Глава 1. Музыкально исторический очерк. В кн. История музыки Средней Азии и Казахстана. М., Музыка, 1995, (соавтор О.Р.Матякубов), «Наджмиддин Кавкаби Бухари и Бухарская школа». В кн. Узбекистан — вклад в цивилизацию. Бухара и мировая культура. Тезисы III Международного симпозиума, Бухара, 1995, «Туркестанский старец «Ходжа Ахмад Яссавий и мусульманские духовные песнопения». (Ж. Музыкальная академия, М., 1996, № 3, 4, 1997, № 1 с.133-141), «Абдурауф Фитрат и его современники на «музыкальном фронте» Узбекистана (20-30-е годы)». Ж.Центральная Азия, Швеция, 1997, №1-3, «Музыкальные традиции Хивы XVII начала XX века». Ж. Общественные науки в Узбекистане. Т., 1997, № 7, 8, Открывая «черный ящик» прошлого // Муз. академия, М., 2000, №1. Мир музыки – мир человека // Общественное мнение. Права человека. Узбекистанский гуманитарный журнал, 2000, № 1-2. О взаимосвязях муз. культур Средней Азии и Индии в древности // Индия и Центральная Азия (доисламский период). Т.,2000. Художественные тенденции и эстетические идеалы в музыке // Амир Темур в мировой истории. Издание второе. Т., 2001. Термин шаман в толковании газневидского поэта Масъуда Салмана // Культурное наследие Средней Азии. /Сборник статей/. Т., 2002. Трактат о музыке «Кашф ал-автар» Касима ибн Дуста Али ал-Бухари: предварительное сообщение // Из истории культурного наследия  Бухары (8 – выпуск). Бухара, 2002. «Наука о музыке» в энциклопедическом сочинении Фахр ад-Дин Рази «Джами ал-улум» («Собрание наук»). Вводная статья, перевод с персидского и комментарии Александра Джумаева //Культурные ценности. Международный ежегодник  (Bibliotheca Turkmennica). 2000-2001. Баксы и жырау, дуутар и кобыз. О традиционной муз. культуре  каракалпаков // San’at. Искусство, 2003, № 2. Бухарские евреи и муз. культура Средней Азии //Евреи в Средней Азии: вопросы истории и культуры. Сборник научных статей и  докладов. Т., 2004. Говорят музыканты Узбекистана: двадцать   лет спустя... // Муз. академия, 2004, № 1. Камбар-Ата (Камбар, Баба-Гамбар) и муз. традиции народов Средней Азии // «Курак», Бишкек, 2004, № 6. Среднеазиатская ханака, суфийские предписания о слушании (сама‘) и традиция духовных песнопений (хонакои) // Transoxiana. История и культура. Сборник научных статей. Т., 2004. Ташкентский фестиваль современной музыки: попытка осмысления в контексте культурного процесса // Musiqi Dunyasi, Баку, 2004, № 3-4/21. Возвращаясь к естественному руслу: К проблеме нового прочтения исторических и теоретических знаний о макомате // Шашмаком сабоклари (макола ва маърузалар туплами). Т., 2005. Шашмаком на грани веков: историко-культурный и муз. феномен  //Шашмаком сабоқлари (мақола ва маърузаларнинг иккинчи тўплами). Т., 2005. Из истории муз. культуры Карши // San’at. Искусство, 2005, № 2. Муз.культура Карши //  Общественное мнение. Права  человека,  2005, № 2. Бухарский Шашмаком: в поисках новых интерпретаций (источники, версии, принципы) //«Традиции Шашмакома и современность». Самарканд, 27-29  август Т., 2005. Musical Heritage and National Identity in Uzbekistan // Ethnomusicology Forum, London, Vol. 14, No. 2, November 2005. Музыка в системе жизненных и эстетических ценностей средневекового «восточного человека» // Узбекистан и Япония на возрождающемся шелковом пути (илмий конференция мақолалари тўплами, Тошкент, 14-16.12.2006й.). Т., 2007. Трактат о музыке «Кашф ал-автар» Касима ибн Дуста Али ал-Бухари (XVI в.) из коллекции Библиотеки Британского Музея // Записки Восточного Отделения Российского археологического общества (ЗВОРАО). Новая серия. Том II (XXVII). СПб., 2006. Музыка в жизни и творчестве Захир ад-Дина Бабура // Общественное мнение. Права человека, 2007, №2. Музыка в системе эстетических ценностей средневекового «восточного человека» и формы ее культивирования (маджлисы) // Общественное мнение. Права человека, 2008, № 1. Musical Traditions and Ceremonies of Bukhara // Anthropology of the Middle East, Volume 3, Issue 1, New York-Oxford, Spring 2008. Русско-европейский научно-педагогический и художественный опыт и возрождение системы традиционного обучения «устад-шагирд» в постсоветской Центральной Азии // Муз. культура в исламо-христианском контексте. Материалы Всероссийской научно-практической конференции, Казань, 17-18 ноября 2009 года. Казань, 2009.  К истории исследования и публикации «Трактата о музыке» Абд ар-Рахмана Джами //Вторые Востоковедческие чтения памяти Н.П.Остроумова: сборник материалов. Т., 2010. Традиция ашуро у иранцев Бухары: источники и историко-культурный контекст //Мир Ислама. Pax Islamica, М., 2010, № 2(5).  «Устав Среднеазиатских музыкантов» в переводе Чулпана. История творческого сотрудничества Чулпана и В.М.Беляева. Публикация ранее не известного перевода Чулпана //Восток Свыше. Духовный литературно-исторический журнал. Ташкент, 2011, вып. XXIII – XXIV. Мошина – кошик ёхуд Гирмуфун васфида //JannatMakon, Тошкент, 2012, апрель.  Предмет любви и почитания. Из истории распространения граммофона в Средней Азии // Иные берега. Журнал о русской культуре за рубежом. М., 2012, № 1. Музыка «устной традиции» в постсоветской Центральной Азии: единство и «противонаправленность» тенденций развития //Вопросы современного музыкознания. Материалы Международного Круглого стола, посвященного 70-летию профессора Б.И.Каракулова, 4 мая 2012 год, Алматы, Казахстан. Алматы, 2012.  К вопросу о трансформации ашуро среди иранцев Бухары: основные источники изучения //Третьи Востоковедческие чтения памяти Н.П.Остроумова: Сборник материалов. Т.,2011. К истории формирования традиции михтара и михтарлик в городской музыкальной культуре Средней Азии // O’zbekiston tarixi. Илмий журнал, 2012, № 1.  «Радости бытия высокого порядка». Александр Семенов – исследователь культуры Средней Азии // Восток Свыше, 2012, вып. XXVIII, октябрь – декабрь.  От Пифагора к Фисагурсу. «Греческие мудрецы» и муз. мир средневекового мусульманского Востока // Восток Свыше, 2013, вып. XXX, апрель – июнь.   «Чудеса» и новшества русских и европейцев в восприятии «среднеазиатского человека»: культурный шок, адаптация, «присвоение» // Культурный трансфер на перекрестках Центральной Азии: до, во время и после Великого шелкового пути.  Париж – Самарканд, 2013. Сакральное и светское – две основные парадигмы развития классического муз. искусства (макомат) Средней Азии в контексте исторических перемен (2-я половина XIX – XX в.) // Традиционная музыка казахов и народов Центральной Азии: современное состояние, изучение, перспективы развития. Материалы Международной научной конференции (Алматы, 16 – 18 октября 2013 г.).

                             САЙФИ ЖАЛИЛ

(1932-2003)

Ўзбекистон халқ артисти, Республика Давлат мукофоти совриндори, профессор Сайфи Жалилов (тахаллуси Сайфи Жалил) замонавий ўзбек мусиқа маданиятининг ривожланишига салмоқли ҳисса қўшган. У лирик қўшиқ ва романс, мусиқали драма ва комедия, опера, симфоник, вокал-симфоник ва бошқа жанрларда яратган асарлари билан эл-юрт назарига тушган, халқ меҳрини қозонган атоқли ижодкордир.

Бўлажак композитор Самарқанд шаҳрида 1932 йил 20 июнда туғилди. Унинг оиласи 1935 йилда Тошкентга кўчиб ўтади.

Сайфи Жалил 1948 йилда Ҳамза номидаги Тошкент мусиқа билим юртига кириб аввал ғижжак синфида С.Габриэльянц ва М.Асиловда, бир йилдан сўнг композиторлик бўйича Б.Ф.Гиенкода таълим олади. Ёш С.Жалил 1949 йили М.Қориёқубов номидаги ўзбек давлат филармонияси қошидаги ўзбек халқ чолғулари оркестрига ғижжакчи бўлиб ишга киради. Мазкур жамоада у ижрочилик билан бирга ижод қилиб, ўзбек шоирларининг шеърларига қўшиқ ва ашулалар басталай бошлайди. Унинг бахтига шу оркестр концерт дастурларида Ҳалима Носирова, Саодат Қобулова, Коммуна Исмоилова, Клара Жалиловалар ҳам қатнашар эдилар. Сайфиддиннинг лирик қўшиқларини улар моҳирона ижро этишганда томошабинлар қизғин кутиб олишарди. Жумладан, «Эй ёр, хуш келибсиз» (Ҳамза сўзи), «Келмаса-келмасун нетай» (Завқий сўзи), «Сенга бир гап айтаман» (П.Мўмин сўзи), «Тўйга келдик, тўйларингиз муборак» (Ў.Рашид сўзи), «Хонуваслинг» (Атойи сўзи), «Пари рўйим» (Фурқат сўзи) каби қўшиқлар Ҳалима Носирова ижросида элга танилди. Ҳалимахоним Ҳиндистон, Покистон, Хитой, Албания ва араб мамлакатларида бўлган сафарлари чоғида ўрганиб келган халқ қўшиқларини С.Жалил қайта ишлаб, оркестр учун партитурасини тайёрлаб берар эди. Йиллар давомида С.Жалил анъанавий услубда, мумтоз ва замондош шоирлар шеърларига кўплаб қўшиқ ва романслар яратди. Масалан, унинг «Кечалар юлдуз санаб», «Ватанимга қўшиқлар айтай» (З.Обидов сўзи), «Кўзим тушди ўша оҳуга» (М.Каримов сўзи), «Ноз этма» (Чустий сўзи), «Куйида», «Ўзингсан» (Я.Қурбон сўзи), «Бенаво қилдинг мени» (Атойи сўзи), «Тош қизлари» (Тўлқин шеъри), «Боғ кўчада» (Ғ.Ғулом сўзи), «Ойдин кечалар» (Уйғун сўзи), «Биринчи ваъда», «Қор ёғар» (Т.Тўла шеъри), «Оташ қалблар» (Э.Воҳидов сўзи) замонавий қўшиқчилик санъатимизни бойитди.

1952 йили Сайфи Жалил мусиқа билим юртини ўзбек халқ чолғулари ва 1953 йилда композиция бўйича битириб, қадрдон оркестрида ғижжакчи-концертмейстер, кейинчалик дирижёр бўлиб ишлади. Бастакорлик профессионал маҳорати етарли эмаслигини сезиб, 1959 йили Тошкент давлат консерваториясининг композиторлик факультетига ўқишга киради. У дастлаб Б.Надеждин синфида, сўнгра Б.Ф.Гиенкодан композициядан, А.Ф.Козловскийдан чолғулаштириш бўйича таълим олади.

Сайфи Жалил консерваторияни 1967 йилда симфоник увертюра диплом иши билан тугатгач, турли жанр ва мавзуларда миллий асосдаги асарлар ярата бошлади. У қўшиқ қаторида мусиқали драма, комедия, опера, кино мусиқаси ва бошқа мураккаб шакл ва жанрларда асарлар яратди. Унинг 1967 йилда «Тошкент манзаралари» 5 қисмли дастурли симфоник сюитаси мазмундорлиги, жозибадорлиги ва миллийлиги билан тингловчининг қалбини ўзига тортса, бундай ижодий ютуқлар бошқа симфоник асарларида ҳам сезиларлидир. Лирик туйғуларга бой скрипка ва симфоник оркестр учун концерти (1971 й.), виолончель ва симфоник оркестр учун концерти (1975 й.), «Самарқанднома» номли биринчи симфонияси (1977 й.), тўрт қисмли иккинчи симфонияси ва камер симфониялари унга катта шуҳрат келтирди. С.Жалилнинг скрипка учун «Ғазал» куйи, скрипка ва фортепиано учун «Экспромт» пьесаси, камер оркестри учун тўрт қисмли сюитаси, иккита уч қисмли торли квартети, скрипка ва виолончелчилар унисон ансамбли учун «Лирик вальс»и, яккахон ва симфоник оркестр учун «Мажнун монологи», симфоник оркестр учун «Хореографик сюита»си, «Муҳаббат синови» (К.Фридланд либреттоси) хореография фрескаси (1987 й,) М.Турғунбоева номидаги «Баҳор» рақс ансамбли учун рақс куйлари, Ғ.Тошматов номидаги «Дуторчилар» ансамбли учун қўшиқлар, ўзбек композиторлари орасида биринчилардан бўлиб, орган учун бир нечта пьесалари эътиборга сазовор. Фортепиано учун Амир Темурнинг 660 йиллига атаб саккиз қисмли «Темур дарвозаси», «Юлдузли осмон», «Қўшиқ», «Ой шуъласи», «Само», «Фикр» ва «Токката» номли миниатюралар (1996 й.) басталади. Жўрсиз хор учун «Тароналар», «Концерт», Б.Бойқобилов шеърига «Тўрт сонет» номли қўшиқлар туркуми ва қўғирчоқ театрида саҳналаштирилган «Фарҳод ва Ширин» (И.Ёқубов инсценировкаси), «Ширмонбулоқ» (М.Нурмуҳаммад пьесаси) ва «Качал полвон» (Ш.Саъдулла пьесаси) мусиқасининг муаллифидир.

1967 йили М.Карим билан ҳамкорликда «Қалам қошлигим» илк мусиқали драмасини яратганидан сўнг ўша йили «Тўлин ой» (Ғ.Жаҳонгиров ва Ж.Исомиддиновлар пьесаси) пайдо бўлди. Алишер Навоий юбилейига атаб Юнус Ражабий билан ҳамкорликда «Алишер Навоий Астрободда» (И.Муҳамедов пьесаси) номли мусиқали драмаси саҳна юзини кўрди. 1971 йили эса «Лақма» (Уйғун пьесаси) номли мусиқали комедияси томошабинларга тақдим этилди. 1973 йили Фарғона театрида «Анвар ва Раъно» (Ё.Мирзо пьесаси) мусиқали драмаси саҳнага қўйилди. 1974 йили Андижон театрида «Тонг қизи» (Р.Сафаров ва С.Исмоиловлар пьесаси) мусиқали драмаси саҳналаштирилди. «Юлдуз жамоли» (С.Азимов пьесаси) мусиқали драмаси (1984), «Шайтон муридлари» (О.Юсупов пьесаси) мусиқали комедияси; 1984 й. «Кампир кетармиш» (Я.Худойқулов) мусиқали комедияси; 1988-1989 йил «Заҳарли ҳаёт» (пьесаси) мусиқали драмаси, 1986 йилда Алишер Навоий номидаги Ўзбекистон давлат катта академик опера ва балет театрида «Зебунисо» (Уйғун либреттоси) операси саҳналаштирилди. Мазкур театрда С.Жалилнинг 1987 йили яратган «Муҳаббатнома» балети ва болалар учун 1991 йили ёзилган «Маликаи айёр» операси томошабинларга ҳавола этилган эди. Халқ чолғулари оркестри учун «Шодлик рақси», танбур ва оркестр учун «Қалбимда» куйи, оркестр учун «Юбилей марши», «Байрам марши», «Бинокорлар марши», най ва оркестр учун «Романс», сюиталар ва ўзбек мумтоз куйларини қайта ишлаб оркестрга мослаштирган.

Композитор С.Жалил Ш.Рашидовнинг «Икки дил достони» радиоспектаклига ва «Қора кўзим» (Т.Қосимова сценарийси) «О, муҳаббат» телепостановкаларига, «Азизахон» (реж. Муҳамедов) телефильмига, «Зулматни тарк этиб» ва «Ота васияти» (реж.Й.Аъзамов) бадиий фильмларига мусиқа басталаган.

С.Жалил 1967 йилдан умрининг охиригача Тошкент давлат консерваториясида кафедра мудири, профессор лавозимларида ишлади.

С.Жалил «Ўзбекистонда хизмат кўрсатган санъат арбоби» (1977 й.) ва «Ўзбекистон халқ артисти» фахрий унвонларига, 1979 йили Республика Давлат мукофотига, «Эл-юрт ҳурмати» орденига сазовор бўлган.

                                 АҲМАДЖОН ЖАББОРОВ

(1925-2018)

Ўзбекистонда хизмат кўрсатган санъат арбоби, Ўзбекистон давлат консерваторияси мусиқий шарқшунослик кафедраси профессори, мусиқашунос Жабборов Аҳмад Ҳамидович[1] республикамиз мусиқа маданияти тараққиётига салмоқли ҳисса қўшиб келаётган йирик арбоблардан бири.

Жабборов Аҳмад Ҳамидович 1925 йилнинг 8 августида Наманган шаҳрида туғилди. У 1933 йилдан умумтаълим мактабида ўқий бошлади. 1936 йилдан Наманган мусиқа техникуми қошидаги болалар мусиқа мактабида фортепиано ва мусиқий-назарий фанлардан сабоқ олади. 1942 йилда икки ойлик курсини тугаллаб, ҳарбий қисмга таржимон ва 12-сон умумтаълим мактабига ҳарбий бўлим раҳбари этиб тайинланди. 1943 йилда у Наманганда жойлашган Харьков пиёда ҳарбий билим юртига ўқишга кирди. Мазкур билим юртини олти ойда битириб, 1945 йилга қадар урушда қатнашди.

1950 йилгача Порт-Артур қалъасида ҳарбий хизматни давом эттирди. 1950 йилда Наманганга қайтди ва мусиқа билим юртининг мусиқа назарияси бўлимида ўқишини давом эттирди. 1955 йили А.Жабборов Тошкент давлат консерваториясининг мусиқашунослик факультетига ўқишга кирди. Ўзбекистон Республикаси Маданият вазирлиги даъватига кўра яна бир йил Наманганда ишлаб беришга қайтди. Консерваторияда ўқиш билан бирга 1961 йилга қадар мусиқа мактабида ўқитувчи сифатида меҳнат қилди. У 5-курсга ўтганида, ўзбек ва рус гуруҳларига «Ўзбек мусиқаси тарихи»дан дарс берди. Профессор Я.Б.Пеккер раҳбарлигида «Ўзбек мусиқали драмаси» мавзусида диплом ишини ёзиб, 1960 йили муваффақиятли битирди ва консерваторияда ўқитувчи лавозимида қолдирилди. 1959-1974 йиллари мусиқа тарихи кафедрасида катта ўқитувчи, доцент лавозимларида, 1974-1987 йилларда А.Қодирий номидаги Тошкент давлат маданият институтида доцент, профессор ва кафедра мудири вазифаларида ишлади. 1987 йили консерваториянинг шарқ мусиқаси кафедрасига таклиф этилди ва 2009 йилга қадар ўзбек мусиқаси тарихи фанидан дарс берди. 1961 йилда Композиторлар уюшмасига қабул қилинган.

А.Жабборов 1961-1963 йилларда консерваториянинг композиторлик ва мусиқашунослик факультети декани, 1963-1965 йилларда Ўзбекистон Композиторлар уюшмаси масъул котиби, 1965-1971, 1971-1975 ва 1987-1992 йилларда уюшма ҳайъати раиси, 1975-1980 йилларда Ўзбекистон Маданият вазирлиги Санъат Бош бошқармасининг бошлиғи вазифаларида ишлади. 1965-1980 йилларда Ўзбекистон Маданият вазирлиги ҳайъати, 1965-1994 йилларда адабиёт ва санъат соҳасида Давлат мукофотлари қўмитаси ҳайъати ва Ўзбекистон Олий кенгаши депутати сифатида, 1965-1975 йилларда турли ижодий, ижтимоий-сиёсий, маданий-маърифий ишларда фаол қатнашди.

А.Жабборов мусиқашунос сифатида ўзбек мусиқаси тарихи, мусиқа таълими, композиторлик, ижрочилик ва мусиқа тарғиботи масалаларига бағишланган ўзбек ва рус тилларида тадқиқот ва қўлланмалар яратди. Булар қаторида: «Композиторы и музыковеды Узбекистана» (Т.Е.Соломонова билан ҳамкорликда, Ғ.Ғулом, Т., 1975); «Мусиқали драма ва комедия жанрлари Ўзбекистон композиторларининг ижодиётида (Ғ.Ғулом, Т., 2000), “Ўзбекистон бастакорлари ва мусиқашунослари” (“Янги аср авлоди”, Т., 2004, тўлдирилган 2-нашри “Ўзбекистон композиторлари, бастакорлари ва мусиқашунослари” Т., 2018) адабиётлари, «Манас Левиев» (Ғ.Ғулом, Т.,1986); “Шоҳида Шоймардонова” (Т., 2008), “Композитор, дирижёр, Мардон Насимов” (Т., 2010), “Композитор Фаттоҳ Назаров” (Ғ.Ғулом, Т., 2017) монографиялари .

Мақолалар: «Узбекская музыкальная драма» (Очерки истории музыкальной культуры Узбекистана, I-тўплам, «Ўқитувчи», Тошкент-1968 й.); «Некоторые проблемы узбекской музыкальной драмы» (Вопросы музыкальной культуры Узбекистана, II-тўплам, «Ғ.Ғулом», Т.,1969), «Узбекский дастан», «Узбекская Музыкальная драма и комедия» (Музыкальная культура Узбекистана, «Музыка», Москва, 1981), «Бастакорлар тортиғи» («Шарқ юлдузи» № 12, 1972 й.); «Путь к расцвету» («Звезда Востока» № 10, 1974 й.); «Буюк усталик» («Юлдуз» №3, 1994 й.); «Бахтли замон қўшиқлари» («Меҳнат ва турмуш» № 4, 1970 й.); «Гулистон» журналининг № 7, 1971; № 4, 1975; № 10, 1987 й.; «Ойдин» журналининг 1974 й., «Сов Ўзбекистони санъати» шу журналнинг ўзгарган номи «Санъат»нинг №7, 1978; №5,1982; №10, 1982; №1, 1983; №2, 1985; №7, 1986; № 1, 1989 сонларида ва № 7, 1990; № 7, 1991, 1985 й. “Музыка Узбекистана (традиции и новаторство)” (Музыка и общество) мақоласи немис тилида ҳамда Ўзбекистон энциклопедиясида бир қатор мақолалари, 1999 йили «Театр» журналининг декабрь сонида «Илоҳий оҳанглар султони» номли машҳур бастакор Т.Жалилов тўғрисидаги хотиралари чоп этилган.

«Сов. музыка» журналида (1966; 1968; 1971; 1973; 1983), Музыкальная академия №1,1992 йилда «Друзей и собеседников найди...» тақризлари чиққан. «Ўзбекистон маданияти», «Ўзбекистон адабиёти ва санъати» газетасида 1962 йилдан шу кунгача 20 га яқин мақолалар эълон қилинган. «Правда Востока», «Ўзбекистон овози», «Ташкентская правда», «Вечерний Ташкент», «Тошкент оқшоми» газеталарида мақолалари чоп этилган. 1970-1975 йиллар Москвада чоп этилган «Информационный бюллетень»да «Ўзбекистон мусиқа маданиятининг кундалик ҳаёти тўғрисида мақолалари эълон қилинган.

1970 йилда М.Бурҳонов, М.Левиев, Ғ.Қодиров, Ш.Рамазонов каби композиторларнинг ҳаёти ва ижодий фаолиятлари тўғрисида телекўрсатувлар ўтказган.

А.Жабборов консерваторияда ўтилаётган ўзбек мусиқаси тарихи ва XX аср ўзбек мусиқаси тарихи фанларининг дастурларини ёзиб, 1967 йили нашрдан чиқарган. 1991 ва 2000 йилларда мазкур дастурларни қайта ишлади.

Ўтган йиллар давомида Собиқ Иттифоқ Композиторлар уюшмасининг IV-V-VI-IХ съездларида, ҳар йили ўтказилган Пленумларида, замонавий мусиқа муаммоларига бағишланган симпозиум ва конференцияларда маърузалар қилди, мунозараларда қатнашди. Шу билан бирга барча республикаларда ўтказилган турли анжуманларда ҳам қатнашди. Шулар билан бирга, ЮНЕСКО томонидан ўтказилган бир қатор халқаро мусиқий конгресс ва симпозиумларнинг ташкилий қўмиталарида маърузалар қилди. Жумладан, «Музыкальные культуры народов. Традиции и современность» (Москва, 1971г.) мусиқа конгрессини ўтказишда қатнашди ва «Музыка Востока и Запада» (эволюция национальных традиций на опыте узбекской музыки» мавзуида маъруза қилди. Конгресснинг натижаси туфайли Ўзбекистон Композиторлар уюшмасининг ҳайъати, мусиқашунослик комиссиясининг таклифига биноан 1972 йили Тошкент давлат консерваториясида шарқ мусиқаси кафедраси ташкил топди. 1972 йили «Музыкально-эстетическое воспитание детей и юношества» мавзусида Тунисда ўтказилган «IСМ» халқаро конгрессида делегация ва ижрочи жамоаларнинг бошлиғи сифатида қатнашди ва «Музыкально-эстетическое воспитание детей и юношества в Узбекистане» мавзусида мусиқий мисоллар билан маъруза қилди. 1972 йили Болгарияда «Софийский музыкальный фестиваль-симпозиум» да, 1973 йили Алмати шаҳрида ўтган «Осиё мусиқа минбари» халқаро анжуманнинг ташкилий қўмитасида фаол қатнашди. 1978 йилда «ЮНЕСКО»нинг «Профессиональная музыка устной традиции народов Ближнего, Среднего Востока и современность» мавзусидаги симпозиум бўлиб ўтди ва уни ҳар беш йилда ўтказиш анъанага айланди. 1967 йил «Прага мусиқа баҳори», 1972 йил «Париж мусиқа баҳори», 1991 йил «Хельсинки мусиқа баҳори» фестивалларида иштирок этди. 1977 йил Мўғилистон композиторларининг III-қурултойида делегация раҳбари сифатида иштирок этди ва нутқ сўзлади. 1970 йил Композиторлар уюшмаси йўлланмаси билан Ҳиндистонда ижодий сафарда бўлди.

Иккинчи жаҳон уруши қатнашчиси А.Ҳ.Жабборов қатор жанговор орден ва медаллар билан тақдирланган. 1990 йили «Ўзбекистонда хизмат кўрсатган санъат арбоби» фахрий унвони, 1995 йили «Жасорат» медали ва 1999 йили «Эл-юрт ҳурмати» ордени, Белорусия ва Ўзбекистон ҳукуматларининг фахрий ёрлиқлари билан тақдирланган. 1983 йили доцент ва 1994 йили профессор илмий унвонларига сазовор бўлган.

[1] Мақола муаллифи мусиқашунос Отаназар Матёқубов.