Joriy yilning 5-may kuni Jizzax shahar 2-son Bolalar musiqa va san'at maktabida O‘zbekiston xalq artisti, taniqli bastakor va sozanda Muhammadjon Mirzayevga bag‘ishlangan xotira kechasi bo‘lib o‘tdi. Tadbirda bastakorning hayoti va ijodi O‘zbekiston kompozitorlari va bastakorlari uyushmasi a'zosi, "Mehnat shuhrati" ordeni sohibasi, bastakor Aysha Berdiyeva tomonidan qisqacha yoritildi. Konsert dasturidan M.Mirzayev, shuningdek, A.Berdiyeva qalamiga mansub kuy va qo‘shiqlar o‘rin egalladi.