Бугун “Давр садолари-IV” республика мусиқа фестивали доирасида “Ўзбекистон мусиқа санъатининг долзарб масалалари” мавзусидаги республика илмий-амалий конференция бўлиб ўтди. Конференцияда мусиқашунос олимлар, илмий тадқиқотчилар ўзларининг маърузалари билан қатнашдилар. 3 та шўъбадан ташкил топган илмий анжуманда маърузачиларнинг композиторлик ва бастакорлик соҳаларида олиб борилаётган изланишларга, мусиқашуносларнинг мусиқа санъатини ўрганиш ва тарғиб қилишдаги фаолиятларига, ёш авлодни тарбиялашда мусиқанинг тутган ўрнига бағишланган қизиқарли маърузалар тингланди ва муҳокама қилинди. Ёш мусиқачиларнинг ўз касбининг устаси бўлиб етишишлари учун таълим соҳасини такомиллаштириш масалалари бугунги куннинг долзарб масалаларидан эканлиги бир қатор маърузачилар маърузаларида алоҳида қайд этилди.