Ўзбекистон Республикаси Президентининг 2017 йил 15 августдаги
"Ўзбекистон композиторлари ва бастакорлари уюшмаси фаолиятини ташкил этиш тўғрисида"ги ПҚ-3212-сонли, 2020 йил 17 декабрдаги "Ўзбекистон Республикаси давлат мустақиллигининг ўттиз йиллик байрамига тайёргарлик кўриш ва уни юқори савияда ўтказиш тўғрисида"ги ПҚ-4926-сонли Қарорларини амалга тадбиқ этиш йўлида Ўзбекистон композиторлари ва бастакорлари уюшмаси қошидаги овоз ёзиш студиясида композиторларнинг камер асарларини ёзиб олиш бўйича қизгин ишлар олиб борилмоқда. Хусусан, бугун, 18-май куни уюшма аъзоси, Зулфия давлат мукофоти совриндори, "Дўстлик" ордени соҳибаси, Ўзбекистон Республикаси Олий Мажлиси Қонунчилик палатаси депутати, Ўзбекистон давлат консерваторияси профессори, композитор Ойдин Абдуллаеванинг скрипка ва фортепиано учун "Соната" асари ёзиб олинди.