Жорий йилнинг 30-мартида Қарши ихтисослаштирилган санъат мактабида Ўзбекистон халқ артисти, Давлат мукофоти совриндори, атоқли композитор ИКРОМ АКБАРОВ таваллудининг 100 йиллигига бағишланган хотира кечаси бўлиб ўтди. Тадбир Ўзбекистон композиторлари ва бастакорлари уюшмаси Қашқадарё вилоят бўлими ҳамда Қарши ихтисослаштирилган санъат мактабининг ўқитувчилари ва ўқувчи-ёшлари ҳамкорлигида ташкил этилди. Тадбирда композиторнинг хаёти ва ижодига доир маърузалар қилинди, шунингдек, яратган асарларига оид ведиолавҳалар намойиш этилди. Тадбир сўнгида композиторнинг турли жанрлардаги асарларидан концерт бўлиб ўтди.
