Ўзбекистон Республикаси Президенти Ш.М.Мирзиёевнинг “Ўзбекистон композиторлари ва бастакорлари уюшмаси фаолиятини ташкил этиш тўғрисида”ги 2017 йил 15 августдаги ПҚ-3212-сонли қарори, 2018 йил 28 ноябрьдаги ПҚ-4038-сон қарори билан Ўзбекистон Республикасида миллий маданиятни янада ривожлантириш концепцияси ҳамда 2020 йил 26 майдаги “Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида”ги ПФ-6000-сон фармони ижросини таъминлаш, амалга тадбиқ этиш, замонавий композиторлик ижодиётини кенг тарғиб қилиш, ёш авлоднинг маънавий дунёсини бойитиш, профессионал ижодкорларни рағбатлантириш йўлида бугун, 9 июнь куни Ўзбекистон композиторлари ва бастакорлари уюшмаси залида 2021 йил — “Ёшларни қўллаб-қувватлаш ва аҳоли саломатлигини мустаҳкамлаш йили” ҳамда 30 июнь — “Ёшлар куни”га бағишланган, “Янги Ўзбекистон ёшлари, бирлашайлик!” шиори остида ёш композиторлар асарларидан концерт бўлиб ўтди. Тадбирда Республика миқёсида ўз ижодий фаолиятини олиб бораётган бир қатор ёш истеъдодли композиторларнинг турли жанрдаги камер асарлари ижро этилди. Шунингдек, ушбу концерт илк бор Zoom дастури орқали онлайн тарзда ҳам намойиш этилиб, бунда уюшманинг ҳудудий бўлимлари мутахассислари, аъзолари ва ижодкорларига концерт дастуридан масофадан туриб баҳраманд бўлишларига имкон яратилди. 

www.facebook.com/commus.uz

www.instagram.com/soyuz_kompozitorov_uz/

https://t.me/unionofcomposers