14 мартда 5-сонли Болалар мусиқа ва санъат мактабида Ўзбекистон композиторлари ва бастакорлари уюшмаси раиси,  Ўзбекистон Республикаси санъат арбоби, Давлат мукофоти совриндори, профессор, композитор Рустам Абдуллаев, Ўзбекистон давлат консерваторияси ректор в.б., профессор, композитор Аваз Мансуров ҳамда бастакор Нигора Холхўжаева билан ижодий учрашув бўлиб ўтди. Учрашувдан мактаб ўқитувчилари ва ўқувчилари томонидан тайёрланган, турли жанрларни жамлаган концерт дастури ҳамда устоз санъаткорларнинг маҳорат дарслари ўрин эгаллади. Барча тайёргарлик ишлари, мактаб раҳбарияти фаоллиги устозлар томонидан юксак баҳоланди. Ижодкорлар томонидан мактаб кутубхонасига махсус адабиётлар совға қилинди.